Գնումների համակարգող՝ ԱՄՆ շուկայի համար (գիշերային)

Մենք ԱՄՆ-ի Square Signs ՍՊԸ-ի պաշտոնական մասնաճյուղն ենք Հայաստանում։ Մենք արտադրում ենք բացառիկ արտաքին գովազդի լուծումներ՝ տպագիր գովազդային կրիչներից մինչև 3D ցուցանակներ, լուսավորված և մոնումենտալ ցուցանակներ և այլն:

Մենք փնտրում ենք փորձառու գնումների մասնագետ, ով պատասխանատու կլինի ԱՄՆ-ում գործող մեր արտադրական ընկերության համար նյութերի և սարքավորումների գնումների ամբողջական գործընթացի համար:

Մենք աշխատում ենք գիշերային հերթափոխով՝ երկուշաբթիից ուրբաթ՝ 18:30-ից 03:30-ը, 1 ժամ ընդմիջումով:

Աշխատանքային պարտականություններ

• Գնել հումք, նյութեր, պարագաներ և սարքավորումներ արտաքին գոավազդի ցուցանակների արտադրության և տպագրության համար
• Շարունակաբար վերլուծել շուկան (տեղական և գլոբալ)՝ գտնելու լավագույն մատակարարներին և պահանջվող հումքի և նյութերի մատակարարման բոլոր հնարավոր ուղիները՝ լավագույն որակի/գին ստանալու համար:
• Համեմատել առկա նյութերի գները շուկայի միտումների հետ՝ շուկայական գները որոշելու համար:
• Նախաձեռնել, բանակցել և պայմանագրեր կնքել մատակարարների հետ:
• Հետևել պահեստի մակարդակին և ըստ անհրաժեշտության վերապատվիրել ապրանքները և նյութերը
• Լինել տեղյակ շուկայի միտումների և նոր ապրանքների մասին
• Պարբերաբար զեկուցել ղեկավարությանը պահուստների կարգավիճակի, մատակարարների և շուկաների մասին, կատարել բարելավման առաջարկներ

Անհրաժեշտ հմտություններ

• Աշխատանքային փորձ որպես գնումների կամ մատակարարման մասնագետ ներմուծող ընկերությունում, շինարարության, արտաքին գովազդի կամ տպագրական ոլորտում:
• Լավ հետազոտական ​​հմտություններ
• Արագ ուսուցում
• Վերլուծական մտածողություն
• Մանրուքների նկատմամբ ուշադրություն
• Թիմային աշխատանք
• Գերազանց անգլերեն՝ ԱՄՆ մատակարարների հետ բանակցելու համար:

Մեր ընկերությունը տրամադրում է շատ լավ աշխատանքային պայմաններ և բարձր աշխատավարձ, ինչպես նաև ունի արտոնությունների շատ հետաքրքիր փաթեթ, առողջության ապահովագրություն, արժեքավոր նվերներ ըստ տարբեր առիթների, լրացուցիչ ազատ օրեր, աշխատանքային ճկունություն, ուսուցման ու զարգացման ակտիվ ծրագրեր և գործուղումների հնարավորություն։