Հասարակայնության հետ կապերի ղեկավար

Ինեկոբանկը փնտրում է բանիմաց և փորձառու Հասարակայնության հետ կապերի ղեկավարի, ով կմիանա մեր դինամիկ զարգացող թիմին և պատասխանատու կլինի հանրային կապերի ռազմավարությունների մշակման և իրականացման համար, ինչը կնպաստի Բանկի բարի համբավի և բրենդի իրազեկվածության բարձրացմանը և կխթանի դրական հարաբերությունները լրատվամիջոցների, հաճախորդների և հասարակության հետ: PR ղեկավարը սերտորեն համագործակցելու է մարքեթինգի թիմի, արտաքին գործակալությունների և բանկի այլ շահագրգիռ կողմերի հետ` ապահովելով արդյունավետ հաղորդակցություն:

Հիմնական պարտականություններ.

Հանրային կապերի ռազմավարություն

• Հանրային կապերի ռազմավարության մշակում և իրականացում Բանկի հեղինակության և բրենդի ճանաչելիության բարձրացման նպատակով
• PR ռազմավարության համապատասխանեցում Ինեկոբանկի ընդհանուր բիզնես նպատակներին և մարքեթինգային ռազմավարությանը

Լրատվամիջոցների հետ կապեր

• Կառուցել և պահպանել ամուր հարաբերություններ լրագրողների, բլոգերների և ինֆլուենսերների հետ
• Կապող օղակ հանդիսանալ բոլոր լրատվամիջոցների համար
• Պատրաստել և տարածել մամուլի հաղորդագրություններ, մեդիա և PR նյութեր

Ճգնաժամային կառավարում

• Մշակել և իրականացնել ճգնաժամային հաղորդակցության ծրագրեր արտակարգ իրավիճակներում կամ անբարենպաստ պայմաններում Բանկի հեղինակությունը բարձր պահելու համար
• Գործել որպես խոսնակ ճգնաժամային իրադարձությունների ժամանակ և կառավարել հաղորդակցությունը լրատվամիջոցների և շահագրգիռ կողմերի հետ
• Վերահսկել և արձագանքել հնարավոր PR ճգնաժամերին ամենասեղմ ժամկետներում

Բովանդակության մշակում

• Ստեղծել գրավիչ և հետաքրքիր բովանդակություն մամուլի, ամենատարբեր ելույթների, հոդվածների և սոցիալական մեդիայի հրապարակումների համար
• Համագործակցել մարքեթինգային հաղորդակցության թիմի հետ՝ ապահովելով տարածվող նյութերի համապատասխանությունը բրենդին
• Վերահսկել PR-ին առնչվող բովանդակությունը՝ տեսանյութեր, ինֆոգրաֆիկաներ ու գովազդային նյութեր

Միջոցառումների կազմակերպում

• Պլանավորել և իրականացնել PR արշավներ՝ ներառյալ մամուլի ասուլիսներ, ճեպազրույցներ և համայնքային ներգրավման ծրագրեր
• Համագործակցել ներքին և արտաքին շահագրգիռ կողմերի հետ տարատեսակ միջոցառումների իրականացման համար
• Գնահատել միջոցառումների արդյունավետությունը և հնարավոր բարելավման նպատակով հանդես գալ առաջարկություններով

Վերահսկում և հաշվետվություններ

• Վերահսկել լրատվամիջոցների լուսաբանումը և տրամադրել պարբերական հաշվետվություններ PR գործունեության և արդյունքների մասին
• Վերլուծել PR արշավների ազդեցությունը և վերանայել ռազմավարությունը՝ ըստ կատարողականի ցուցանիշների
• Վերահսկել PR տվյալների բազան և ապահովել բնականոն համագործակցություն լրատվամիջոցների և ինֆլուենսերների հետ

Պահանջվող որակավորում.

• Բարձրագույն կրթություն հանրային կապերի, հաղորդակցության, լրագրության, մարքեթինգի կամ հարակից ոլորտում: Մագիստրոսի աստիճանը ցանկալի է
• Առնվազն 5 տարվա փորձ հանրային կապերի ոլորտում, ֆինանսաբանկային ոլորտում փորձը ցանկալի է

Գործարար որակներ և անձնային հատկանիշներ.

• Ուժեղ ռազմավարական մտածողություն, պլանավորման և նախագծային կառավարման հմտություններ
• Գերազանց գրավոր և բանավոր հաղորդակցման հմտություններ
• Ճգնաժամային կառավարման հմտություններ
• Համագործակցային մտածողություն և թիմայնություն
• Վերլուծական հմտություններ
• Մանրուքների նկատմամբ ուշադրություն
• Ստեղծագործական և նորարարական մտածողություն
• Արդյունքներին ուղղված և կատարողականով առաջնորդվող

Դիմելու ընթացակարգ.

Հետաքրքրված անձինք դիմելու համար կարող են սեղմել «Դիմել» կոճակը և լրացնել դիմում-հայտը մինչև Հուլիսի 11-ը։